Մասնակիցներ՝ 2-րդ դասարանի սովորողներ, ընտանեկան դպրոցներ
Ժամանակահատված՝ նոյեմբեր
Վայրը՝ կրթահամալիրի դպրոցներ, ընտանեկան դպրոցներ
Նպատակներ և խնդիրները՝
- Բանավոր խոսքի զարգացում։
- Ստեղծագործական երևակայության զարգացում։
- Հետազոտելու, ճանաչելու ուսումնասիրելու կարողությունների զարգացում։
- Մեդիահմտությունների զարգացում։
Ընթացք՝
- Նախապատրաստում (առևտուր, բանջարեղենային ուսումնասիրություններ)
- Իրականացում (բանջարեղենային կերպարներ)
- Ամփոփում
Նկարագրություն
Թթուդրիկն ամենամյա ավանդական ծես է, որը խորհրդանշական է: Ծեսն ուսումնական գործունեություն է և ընդգրկում է գործունեության գրեթե բոլոր ձևերը:
Մաթեմատիկայի, մայրենիի, օտար լեզուների դասաժամերի այդ օրերի թեման թթուդրիկի ծեսն ու դրան պատրաստվելն է: Այս տարի այն ընտանեկան է։ Մինչ թթուդրիկին անցնելը թթվի բաղադրատոմսեր ենք հավաքում, հրապարակում: Բանջարեղենի առևտրի գնում։ Խոհանոցային գործունեության արդյունքում բանջարեղենային տարբեր կերպարներ ենք ստանում, որոնք դառնում են թատերական, տիկնիկային ներկայացումների հերոսներ: Թթուդրիկի թեման շարունակվում է լեզվագործունեության ընթացքում: Ռոդարիական հնարքների կիրառմամբ սովորողները հորինում են թթվային, հանելուկներ, ամենաանսպասելի պատմություններ բանջարեղենի տեսակների մասին, մասնակցում են առցանց քննարկումների։ Ըստ փուլերի՝
- Նախապատրաստում (ընտանեկան թթուդրիկի գնացուցակի կազմում, առևտուր, բանջարեղենային ուսումնասիրություններ)։
- Իրականացում (բանջարեղենային կերպարների ստեղծում, աղաջրի պատրաստում)։
- Փոքրիկ հանելուկների հորինում, թթվագրություն՝ «թթու» բառի մուտքագրում, Paint ծրագրով թթու կերպարների ստեղծում, մուտքագրում):
- Բնագիտական փորձ-դիտարկում աղաջրով ( ձվով փորձ աղաջրում):
Օգնող հարցեր, ուղղորդումներ
- Զրույց բանջարեղենի մասին։
- Բանջարեղենի ի՞նչ տեսակներ կան։
- Ո՞ր բանջարեղենը որտեղ է աճում և որ եղանակին։
- Բանջարեղենով ուրախ մաթեմատիկա։ Հաշվում, համեմատում ենք։
- Ներկայացնում ենք, թե որն ինչ տեսք ունի, ինչ գույն, համ, հոտ, կորիզ ունի, թե ոչ։
- Թթու կերպարներ ենք ստեղծում բանջարեղենով, պատմում դրանց մասին, հորինում հանելուկներ, բանջարեղենագրություն անում։
- Տատիկներից և մայրիկներից նախապես հարցնում ենք թթու դնելու բաղադրատոմսեր:
- Այնուհետև լվանում ենք բանջարեղենը, մաքրում, խոհանոցային տախտակների վրա դնում, կտրատում, լցնում տարայի մեջ․ ըստ բաղադրատոմսի պատրաստում։
Արդյունքները ֆոտո և տեսանյութերի միջոցով կհրապարակվեն դասարանական բլոգում։